ഇറാന്‍-ഇസ്രയേല്‍ സംഘര്‍ഷം; ക്ലസ്റ്റര്‍ ബോംബുകള്‍ ഇസ്രയേലിലേക്ക്, മരണം 639
ടെഹ്‌റാന്‍: ഇസ്രയേലും ഇറാനും തമ്മിലുള്ള സംഘര്‍ഷം മൂന്നാം ദിനത്തിലേക്ക് കടക്കുമ്പോള്‍, പശ്ചിമേഷ്യയില്‍ യുദ്ധ ഭീതിയും അശാന്തിയും നിലനിൽക്കുകയാണ്. ഇറാന്‍ ക്ലസ്റ്റര്‍ ബോംബുകള്‍ ഉള്‍പ്പെടെ ഉപയോഗിച്ച് ഇസ്രയേലിലേക്ക് ആക്രമണം നടത്തിയതായി റിപ്പോര്‍ട്ടുകള്‍ വ്യക്തമാക്കുന്നു. ഇസ്രയേല്‍ നടത്തിയ വ്യോമാക്രമണങ്ങളില്‍ ഇറാനില്‍ കൊല്ലപ്പെട്ടവരുടെ എണ്ണം 639-ല്‍ എത്തി, 900-ല്‍ അധികം പേര്‍ക്ക് പരിക്കേറ്റതായി ഇറാനിയന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നു. ഇറാനിലെ ആണവ നിലങ്ങള്‍, സൈനിക താവളങ്ങള്‍, ജനവാസ മേഖലകള്‍ എന്നിവയെ ലക്ഷ്യമാക്കി ഇസ്രയേല്‍ നടത്തിയ ആക്രമണങ്ങള്‍ക്ക് പിന്തുടര്‍ന്ന് ഇറാന്‍ ഡ്രോണുകളും ബാലിസ്റ്റിക് മിസൈലുകളും ഉപയോഗിച്ച് തിരിച്ചടി നല്‍കി. ഇസ്രയേല്‍ അതിര്‍ത്തികളില്‍ വീണ്ടും ആക്രമണ ഭീഷണി ഉയരുന്നുവെന്നും, ടെല്‍ അവീവ്, ബാറ്റ് യാം, തമ്ര തുടങ്ങിയ നഗരങ്ങളില്‍ മനുഷ്യനാശം ഉണ്ടായതായും റിപ്പോര്‍ട്ടുകള്‍ വ്യക്തമാക്കുന്നു. ഇസ്രയേലില്‍ 10 പേര്‍ കൊല്ലപ്പെട്ടതായും 100-ല്‍ അധികം പേര്‍ക്ക് പരിക്കേറ്റതായും അധികൃതര്‍ സ്ഥിരീകരിച്ചു. യുദ്ധം തടയാന്‍ യൂറോപ്യന്‍ രാജ്യങ്ങള്‍ ഇടപെടുന്നു, നാളെ നിര്‍ണായക അന്താരാഷ്ട്ര യോഗം ചേരാനാണ് സാധ്യത. യു.എസും മറ്റ് രാജ്യങ്ങളും ഇരുപക്ഷത്തെയും ആക്രമണങ്ങള്‍ അവസാനിപ്പിക്കണമെന്ന് ആവശ്യപ്പെട്ടിട്ടുണ്ട്. ഇറാന്‍ പ്രസിഡന്റ് മസൂദ് പെസെഷ്‌കിയാന്‍, ഇസ്രയേല്‍ ആക്രമണം തുടർന്നാല്‍ ശക്തമായ തിരിച്ചടി ഉണ്ടാകുമെന്ന് മുന്നറിയിപ്പ് നല്‍കി. ഈ നീക്കങ്ങള്‍ ഭൂമിപ്രദേശത്തെ മാത്രമല്ല, മുഴുവന്‍ മേഖലയെയും പ്രതികൂലമായി ബാധിക്കും എന്നതാണ് ഇറാന്റെ നിലപാട്. ഇപ്പോൾ ഇസ്ലാമിക രാഷ്ട്രങ്ങള്‍ ഒറ്റക്കെട്ടായി ശക്തമായ നിലപാട് സ്വീകരിക്കണം എന്നാണ് ഇറാന്‍ ആവശ്യം. സംഘര്‍ഷത്തിന്റെ തുടക്കം തങ്ങള്‍ തുടങ്ങിയതല്ലെന്നും, പക്ഷേ ശക്തമായ പ്രതിരോധം നടത്തുകയാണ് ചെയ്യുന്നതെന്നും ഇറാന്‍ വ്യക്തമാക്കി.
About The Author
mk28
